العصافير
لو عايز عصافيرك تبيض لازم تعمل كدا
بسم الله
لو عايز عصافيرك تبيض بيض كتير جدا لازم تعمل كدا خلي عصافيرك تمطر بيض وبيض بيبقي مخصب وسليم
لو فى مرجيحه فى القفص شيلها خالص
لو فى وقافه بلاستك غيرها بوحده خشب وتكون ثابته كويس علشان التخصيب
لو العش صغير وسعه هاتو عش انجليزى
لو مش حاطط فى العش فحم حط علشان الرطوبه
لو حاطط القفص فى الارض او مكان واطى علقه طبعا بعيد عن اي تيار هواء
لو مش معلق سبيا علق ديما علشان ده كالسيوم وضرروى
لو مش بتأكل بيض مسلوق أكل لان ده مهم جدا جدا جدا
هو المصدر الوحيد للبروتين
وبيعلي من خصوبه الذكر
وبيجدد لون الريش
وهو اللي بيكون البيض داخل الانثي
ومهم جدا جدا لما يكون في زغاليل
عشان هما بيجو ضعاف ومعندهمش ريش فلو في زغاليل لازم تأكل البيض المسلوق كل يوم
لو فاكر انهم مش بياكلو فاكهه وخضروات لا بيكلو وأكل
لان الخضار والفواكه هي المصدر الوحيد للفيتامنات
لان معظم الفيتامينات اللى بتتباع سواء في الصيدليه او في محل خاص بالعصافير معظمها بتبقي مغشوشه طبعا الا انواع معينه فيها فايده
فالخضروات والفواكه هي المصدر الوحيد للفيتامينات
لو عيزهم يشتغلو علطول ويتحفزو ويتولفو اعزل النتايه اسبوع ورجعها تانى للدكر مع وضع محفزات ليهم
لو عايز الذكر يجيب تخصيب كويس أكل جرجير وفلفل وكوسه وحلبه مستنبته وحط طرف معلقه جنزبيل فى المسقاه
.عارف انك هتقول ازاي هأكلهم فلفل اكيد غلط
لكن انا بقولك انهم عادي بالنسبالهم ومتخفش علي ضمانتي
لو عايز تفرح بيهم سبهم فى حلهم مع نفسهم متفتحش عليهم العش كتير
لو عايز تغذيهم يبقا حط عسل اى نوع عسل على المسقاه خمس نقط على المسقاه كده كل اسبوع يوم
لو عايز تحافظ على الزغليل من الموت امنع المحفزات وهما بيضين ومطلعين ومتحطش اى ادويه او فيتمنات
لو عايز تفطم الزغليل لازم يكونو اعتمدو على نفسهم
لو كسلت فى النظافه والاهتمام بيهم يبقا متربيش
.لو عايز تفرح لازم تصبر
❤دعوه حلوه بقى من قلبكوا
تعليقات
إرسال تعليق
ماتقولنا رأيك كده🙈