الليمون بالزنجبيل
مشروب الليمون بالزنجبيل وورق الجوافة :
ورق الجوافة من أهم الأوراق اللي بنستخدمها في علاج الإسهال وبيقلل من ألام البطن وبتساعد علي خفض الكوليسترول في الدم وبتساعد في علاج الكحة والتخفيف من أعراض نزلات البرد وبتقلل من تراكم البلغم وتحسن من صحة البشرة وتمنع تساقط الشعر وبتساعد على تقوية الجهاز المناعي والتخفيف من مشاكل الجهاز الهضمي وبتشيل الرؤوس السوداء اما تفركيها بشاي اوراق الجوافه بس تكون المياه دافيه هي دي المعلومات اللي قدرت اجمعهلكو بصراحه يارب تكون استفادتو تعالو نشوف بتتعمل ازاي
المكونات :
كوب عصير ليمون
كوب ماء
نصف كوب عسل أبيض
قطعة زنجبيل شرائح
ورق جوافة
ليمون شرائح
نعناع طازج
ملعقة كبيرة ينسون
الطريقة :
هنجيب براد ونحط فيه مايه وورق الجوافة
والزنجبيل والينسون وحطيه علي النار لمدة 10 دقائق.
ابدئي صفيها بقي بالمصفه واركنيها
دلوقتي.
وفي ازازه أو شفشق بقي حطي فيها العسل
وعصير الليمون وأخلطيهم كويس
حطي بقي النعناع وشرائح الليمون.
اخر خطوه بقي حطي مايه ورق الجوافة
والزنجبيل إلي خليط العسل والليمون والنعناع وأخلطي كل المكونات بقي.
وقدميهم بقي بالف هنا وشفا علي قلبكوا.
تعليقات
إرسال تعليق
ماتقولنا رأيك كده🙈