العصافير
تربيه العصافير ومعلومات عن العصافير وانواع العصافير وافضل انواع العصافير/ تربية عصافير الزينة
كل الناس بتبقى عاوزه تربى حيوان فاكتر حاجه بيفكرو فيها العصافير عشان فى القفص ومش بتتحرك وكمان مش عايزلها اهتمام كتير بس الناس مبتبتبقاش عارفه ايه النوع اللى يناسبلهم بس هنقولوقتى واحده واحده عشان تعرف نوع اللى يمشى معاك وتقدر تراعيه بكل حاجه اللى هنقولوا دلوقت للمبتدئين عشان هنقول كل حاجه بالتفصيل هيا بنا.
اكتر انواع متداوله فى مصر او بتتباع كتير او اللى اشكالها احسن
انواع العصافير:
1-الاسترالى او البادجي وهم بيتميزو بعصافير الحب
2-الروز والفيشر
دول اكتر الانواع شيوعا
اول حاجه لازم نعرفها هو
انت عايز تجيب ليه؟
عشان الفلوس يعنى انت جايبها عشان تتاجر فيهميب فلوس حلوه
او عايز تجيب حاجه سريعه في الانتاج
اول حاجه لو انت عايز تجيب حاجه بتجيب فلوس وتعرف تتاجر فيها
احسن حاجه بتجيب فلوس وتعرف تتاجر فيها هو الكوكتيل اللتيني
الكوكتيل اللتيني اكتر حاجه بتتباع عليه طلب رهيب
مشاكلو:
مشكلتو في الانتاج انت لوتش بيه وماكلتوش مهتم صح ومدتهوش فيتامين مناسب او درجه الحراره مش مناسبه
كل الكلام ده لو مش متزبط العصفور مش هيشتغل معاك
فانت لو تظبطلوا كل الكلام متطلباته ومنتج حلو ده بالنسبه للكوكتيل
سعرو ممكن يكون في حدود 180 جنيه وممكن يوصل ل 200 جنيه
طب ايه الكوكتيل اللى انتاجو اسهل من اللتينى
الكوكتيل الحبشى او الكوكتيل الفون
الاتنين دول انتاجهم سريع جدا
اسرع فى الانتاج اللتيني بكتير احن منو
مشاكلو اقل بكتير جدا
بس على العكس سعر الزغاليل بتاعهم لايذكر
ملحوظه الناس اللى
متعرفش يعنى ايه زغاليل يعنى العصفور الصغير نرجع تانى
ممكن تلاقي الزغاليل بتاعتهم في حدود 70 او 90 جنيه
ده بالنسبه للكوكتيل
نيجى بقى للروز والفيشر
لو انت بتربى لمزاجك فالروز والفيشر كويسين جدا حتى كمان شكلهم حلو بالوانهم
اما لو انت بتربى عشان فلوس او تتاجر فيهم انسى الروز والفيشر تماما
كمان لو فرد منهم مات صعب انك تجيبلو فرد تانى
يعنى لو ذكر مات صعب انك تجيبلها ذكر تانى
لازم كذا ذكر وهى اللى تنقى وحاجات كدا مش هنخش فيها يعنى من الاخر هدخل نفسك في دوامه.
اما لو انت عايز عشان الشكل هات روز وفيشر عادى مفيش اما لو انت عايز حاجه تريح فيها ابعد عن الروز والفيشر.
اما بقى الزيبرا
الزيبرا احسن عصفور فى التربيه الجماعيه يعنى لو انت عايز تربى جماعى جيب الزيبرا
انت ممكن تجيب ذكر واحد وتلات انثى عادي ممكن يشيل تلاته
اهم حاجه في الزيبرا لما تجيبهم تدخلهم كلهم مع بعض على طول
اما لو انت عندك عصافير وجبت تانى خرج اللى موجود عشر دقايق مثلا ودخل التانين بعدين دخل الباقى
كلهم مع بعض هيضربوا بعض
بس الزيبرا عايزلو اهتمام كويس.
نيجى بقى للبادجى او الاسترالى
الاسترالى افضل نوع عصافير للمبتادئين
أول حاجه بيستحمل المرض اكتر عصفور بيستحمل المرض هو الاسترالى
ولماالجو بيبدأ يتعالج معاك وبيستحمل معاك
تانى حاجه احسن انتاجيه هو الاسترالى
تالت حاجه الوانه كتير اوى
هوي اكثر انواع العصافير يعنى لو سأفي أي نوع عصافير اول حاجه هتيجى فى باله هو الاسترالى
ملهوش اى مشاكل وجميل جدا
انت بس لو اهتميت بيه شويه هيديك انتاج حلو جدا
لو انت عايز لمزاجك اي نوع من اللى قولته دول هيبقوا كويسين
سيبك بقى من اى حد هيقولك ده هيجى يموت عندك اه حاجه تهتم بيه
لو اهتميت بيه مش هيموت عندك
لو حسيت بأى مرض ابدأ عالجه على طول
متطولش يعنى مش هتلاقى العصفور تعبان عالجه على طول متقعدش يوم واتنين وثلاثه
عشان لما بننقذ الموضوع من الاول بيتعالج بسهوله
اما بتقعد كتير المرض بيزيد اكتر عشان اليوم فى مرض العصافير بيفرق
لو انت بتفكر اي نوع من اللى قولته ينفعك انت اكتر تحديدا الاسترالى ينفعك انت اكتر كمبتدأ
بس ويارب اكون افدتكم وانشاء الله تقدر تربيه ويفضل معاك وتاخد منو انتاجيه كويسه
دعوه حلوه بقى من قلبقوا❤
العصافير
قفص عصافير
اقفاص عصافير
تربية العصافير
معلومات عن العصافير
تربية العصافير
الاسترالى
تربية عصافير الزينة
كيفية تربية العصافير
روعة معلومات جميله
ردحذف